Tocyn y Parch. Abraham Matthews, un o'r teithwyr ar long y 'Mimosa', 15 Mai 1865
Tocyn y Parch. Abraham Matthews, ei wraig Gwenllian, eu merch fach Mary Ann, John (Murray) Thomas, brawd Gwenllian, a Mary John a hwyliodd ar fwrdd y 'Mimosa' o Lerpwl ar 28 Mai 1865. Y 'Mimosa' oedd y llong a gludodd y fintai gyntaf o ymfudwyr i Batagonia. Roedd y Parch. Abraham Matthews yn frodor o Lanidloes, a gwasanaethodd fel gweinidog Anghydffurfiol y Wladfa hyd ei farwolaeth.
